After months in Australia

Far away from home, my sweet home - Switzerland

I be na niae ae so lang waeg gsi vo diheime.... ond, ha ae ke Heiweh .... ok, i vermesse dae Chaes, d'Schoggi, Baernduetsch ;-) ..... s'esch schoen wedaer ae mal choene e Schwyzerduetsch z'daenke u d'schriebe, be grad am Schwyzermusig lose, what else? ja ja, be halt une petit suisse

ehrlech gseit, ha i fast ae chli bangel vor aem heicho, i weiss ned, wa e dae Schwyz genou passiert esch, e dae letschte paar Moenet. i laese zwar d'News of SF aber, "gspuers" halt ned "live". ond i ha me a dae Laebe do gwoehnt: ufstah, a d'Uni z'ga, ond eifach Zyt z'ha, zom aes Buach z'laese, zom z'studiere ond i cha jede Tag goge trainiere, da esch s'beste =) u cha choche, wa i grad lost druf ha, os daem Grond gets au nome Pasta oder Fleisch. auso, i has gaern, aber cha ja au nued anders choche ;-)

Uni
am Afang ha i daenkt: was nome vier Faecher! wa mach i de dae ganz Tag? da werd mer ja laengwilig u i ha mer scho oeberleit, oeb i mer soeu aen d'Job suaeche, eifach voer d'Experience, aber de, uiuiuiui! de het da velaech azoge!: z'erst Mid-Exams, de Assignments, eze wedaer Assignments u de na d'Final-Exams .... mer haend e jedem Fach Assignments, wo mer waehrend aem Semester muaend schriebe. da esch aen cheibe Ufwand, aber, mer cha do aes Fach scho voer dae Final-Exams bestah, weu aues e Prozaent graechnet werd u met 50% hesch bestande =) da esch au mis Zyl, dass i alli Faecher voer dae Schlosspruaefige bereits bestande ha.
diae Assignments gaend zwar cheibe vel z'tuae, aber devoer muae mer sech woerkli met aem Stoff usenand setzte ond da brengt secher meh als eifach aues voer ei Pruaefig am Abe vorhaer es Chorzzytgedaechnis d'stopfe. mer muaend sehr vel laese, saeuber sache schriebe ond da bliebt eim de woerklech, mer verstaht haut eifach aues veu besser. diae Art vo Lerne, waer oepis, wo mer sech e dae Schwyz ae mal choenti oeberlegge ....

WM
i ha me doch ae so of d'WM gfreut. we i ame e voller Euphorie vom Fuaessball gredet ha, haend me d'Australier nome aglueget u met aemne Smile gseit: "touch somebody and you get a red card" ;-) tja, i verstah sie ja woerkli, sie se ned met Fuessball ufgwachse, ae so wiae mer.
i be da voers Spel Australie-Duetschland am haubi vieri ufgstande, ha a Cap (aehhhh, Taxi) a d'Uni gna zom da Spel z'luage. Super! ganz interessant gsi.
natuerlech han i jedes Schwyzer Spel gluaeget. s'erst mal se mer enes Pub e Surfers gange, dete semmer of aen ganze Hufe Schwyzer Teenies vo dae English-School gstosse. dae Kolleg het d'Australier aus Schwyzer ikleided. to be honest, diae haend schwyzerischer usgseh aus mer schwyzer =) ja u de haemmer ja gwonne, de semmer of diae leere Strasse use, haend gfaehnet, s'Outo gholt ond ghuppet. hmmm, rond 25 Schwyzer of dae Strass en Surfers Paradise .... elei .... am Morge am 2i.
dae zwoiti Match semmer de emne andere Pub goge luaege. Super, genau e dae Pub se uesi Schwyzer Teenies ned inecho, waeg dae "Chriegsbemahlig", auso uesem Schwyzer-Chruez em Gsecht, "sorry, no identification possible!" ond aen andere Schwyzer haends usegruet, weu aer ae chli lut gfaehnet het. u eze semmer e dae Pub, haend uesi Schwyzer Huet agha, "please, no huts here, management decision!".... ahhhhhhh!
ja u de uese dritte ond letschti Match. be ergendwe e dae Nacht ufgstande u ha me aus Heidi verchleidet, ganz e uesne Nationalfarbe. aes wiesses Chleidi agleit, ae rotschi Schoerze, ok i ha mer aen rote Pulli om d'Hoefte bonnde ond ha zwoi Zoepfli gmacht. to be honest: i ha eher wie aes "Gretel" usgseh .....
ja u voer s'Final be i de namal am vieri ufgstande u ha dae Match em Casino gluaeget....
u letscht Samstig be i nach Brisbane anes AFL game - Australian Football League. hmmmm, auso, diae Buaebe se ja scho ned schlaecht, schoen doeretrainiert, so soets ja sii ;-) ond i ha au d'Spelregle verstande, aber .... i ha da gmacht, wa i emmer mache .... gredet. mer soue ja schliesslech da mache, wo mer cha .... tscholdigong .... mer se de enes Pub, super sach. wo mer de haend hei wele, het dae Bus-Chaffeur ned choene usefahre, voehre, hengere, voehre, hengere, voehre, hengere, voehre, hengere ..... das ae haub stond laeng! auso, aer hets de gschaft =) zom gloeck, weu am naechste Tag haemmer erfahre, das da Pub abebraent esch.... =(

in Paradise
i wohne e Sufers, esch oebe ae haub Stond vo dae Uni entfaernt u i nehme jede Tag dae Bus. auso, i vermesse dae Zog, uesi gueti poenktlechi SBB! gester ha i ae Stond of dae Bus gwartet, hmmmm - I was really angry! ond diae fahret de ned grad sanft, ha me eze dra gwoehnt, aber am Afang esch's mer emmer schlaecht worde :-)

Sodeli, il est neuf et demi et je dois faire quelques chose pour uni eeeeeet de ab e Usgang. ach, ae chli franzoesisch rede, waer au wedaer ae mal schoen....

See you, a bientot
Nathalie